Улаанбаатар
ХОВД: Хөдөлмөрийн баатар Д.Цэрэндагва, Д.Мэндбаяр нарт хүндэтгэл үзүүллээ
ОРОН НУТГИЙН МЭДЭЭ | ХОВД
Жаргалант /МОНЦАМЭ/. Ховд аймгийн Манхан сум байгуулагдсаны
түүхт 100 жилийн ойд зориулсан баярын үйл ажиллагаа амжилттай үргэлжилж байна.
Төрөлх нутгийнхаа түүхэн ойн баярт оролцохоор хол, ойрын олон зочид, төлөөлөгчид, иргэд хүрэлцэн иржээ.
Тэдний төлөөлөл бол Монгол Улсын Хөдөлмөрийн баатар, Ардын жүжигчин Д.Цэрэндагва, Д.Мэндбаяр нар юм.
Ховд аймгийн ИТХ-ын дарга
Г.Пүрэвганди, Засаг дарга Э.Болормаа нар тэдэнтэй уулзаж, хүндэтгэл илэрхийллээ.
Манхан сумын уугуул, Ардын
жүжигчин Д.Мэндбаяр гуай энэ жилийн баяр наадмаар (2023 онд) Монгол Улсын Хөдөлмөрийн
баатар цол хүртсэн.
Тэрбээр Ховд аймгийн Манхан сумаас тодорсон хоёр дахь Хөдөлмөрийн баатар цолтон гэдгээрээ онцлогтой. 50 гаруй жилийн өмнө жинчин Б.Лувсан тус сумаас анх удаа Хөдөлмөрийн баатар цол авч байжээ.
