Улаанбаатар
Улсын хэмжээнд 62.2 мянган тонн үр тариа хураагаад байна
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2023 оны аравдугаар сарын 17 /МОНЦАМЭ/. ҮСХ-ноос мэдээлснээр улсын хэмжээнд 10 дугаар сарын 1-ний байдлаар 62.2 мянган тонн үр тариа, 112.6 мянган тонн төмс, 102.8 мянган тонн хүнсний ногоо, 70.9 мянган тонн таримал тэжээл хураагаад байна.
Мөн 525.0 мянган тонн хадлан, 8.5 мянган тонн гар тэжээл
бэлтгэжээ.
Хураасан үр тариаг өнгөрсөн оны мөн үеийнхтэй харьцуулахад 97.5 мянган тонн буюу 61.1 хувиар, төмс 61.1 мянган тонн буюу 35.2 хувиар, бэлтгэсэн хадлан 28.0 мянган тонн буюу 5.1 хувиар, гар тэжээл 1.3 мянган тонн буюу 12.9 хувиар буурчээ. Харин хураасан хүнсний ногоо 15.1 мянган тонноор буюу 17.2 хувиар, таримал тэжээл 32.0 мянган тонноор буюу 82.1 хувиар тус тус өсжээ.
Үр тариа хураалт буурч, хүнсний ногоо, таримал тэжээлийнх өсжээ.
Харин 10 дугаар сарын
15-ны байдлаар улсын хэмжээнд 165 мянган тонн төмс хурааж авахаас 154 мянган
тонныг хураан аваад байна. Мөн 165 мянган тонн хүнсний ногоо хураан авахаас 134
мянган тонныг хураан авчээ. 3000 га талбайд хүлэмжийн ногоо тариалснаас хураалт
70 гаруй хувьтай байна.
