"Хан Хэнтий" цогцолбор сургууль стандарт уралдаан зохион байгууллаа
ОРОН НУТГИЙН МЭДЭЭ | ХЭНТИЙХэнтий аймгийн Хэрлэн сумын “Хан-Хэнтий” цогцолбор сургуулиас сэтгэлгээний гоо сайхныг нээн илрүүлэх, математикийн хичээлийн үр өгөөжийг нэмэгдүүлэх, математикт дур сонирхолтой, авьяаслаг сурагчдад урам өгөх зорилготойгоор “Математикийн стандарт уралдаан” зохион байгууллаа.
Тус уралдаанд Хэрлэн-1, Хан-Хэнтий цогцолбор, Тэмүүжин цогцолбор, Хэрлэн 4-р сургуулийн болон Батноров, Баянхутаг, Бэрх, Баян-Овоо сумдын ЕБС-ийн II-XII ангийн 500 гаруй сурагч оролцов. Уралдааны шалгалтын материалыг бэлтгэх болон шүүн явуулах ажлыг Улаанбаатар хотын математикийн гүнзгийрүүлсэн сургалттай "Олонлог” сургуулийн багш, МУИС-ийн докторант Б.Еркехулан, Сүхбаатар аймгийн БСГ-ийн математикийн мэргэжилтэн Б.Лхагвасүрэн нар хариуцан ажиллажээ.
Уралдааны дүн гарахад 2-р ангийн төрөлд: Б.Дэлгэрболд /Хэрлэн-1/
3-р ангийн төрөлд: Ц.Наранбилэг /Хэрлэн-1/
4-р ангийн төрөлд: Т.Буман-Оргил /Хэрлэн-1/
5-р ангийн төрөлд: Г.Золжаргал /Тэмүүжин ЦС/
6-р ангийн төрөлд: Э.Анхбаяр /Тэмүүжин ЦС/
7-р ангийн төрөлд: Б.Хулан /Хэрлэн-1/
8-р ангийн төрөлд: Г.Сүлд-Эрдэнэ /Тэмүүжин ЦС/
9-р ангийн төрөлд: Э.Энэрэлт /Тэмүүжин ЦС/
10-р ангийн төрөлд: Э.Амирлан /Тэмүүжин ЦС/
11-р ангийн төрөлд: Л.Анударь /Тэмүүжин ЦС/
12-р ангийн төрөлд: Л.Гансүх /Тэмүүжин ЦС/ нар тэргүүн байранд шалгарчээ.
Д.Одонтунгалаг