ДОРНОГОВЬ: “Dornogobi open-2024” Жюү жицүгийн олон улсын тэмцээн болж байна
ОРОН НУТГИЙН МЭДЭЭ | ДОРНОГОВЬ
Сайншанд, 2024 оны тавдугаар сарын 16 /МОНЦАМЭ/. Дорноговь аймгийн Сайншанд хотод “Dornogobi open-2024” бүсийн
зэрэглэлтэй олон улсын тэмцээн энэ сарын 15-нд эхэллээ. Тэмцээнд Монгол, ОХУ, БНХАУ,
Бүгд Найрамдах Казахстан Улсын 29 багийн 558 тамирчин оролцож байна.
Тэмцээнийг хүүхэд багачууд болон бүх нийтийг биеийн тамир спортоор хичээллэх, бөхийн төрлийг таниулах, сурталчлах, олон улсын хамтын ажиллагааг нэмэгдүүлэх, аялал жуулчлалыг хөгжүүлэх зорилгоор аймгийн ЗДТГ, Монголын Жюү жицүгийн холбоо, Арабын Нэгдсэн Эмират Улсын "AJP Tour" компанитай хамтын ажиллагааны хүрээнд гурав дахь жилдээ зохион байгуулж байна.
Тэмцээн нь дэлхийн чансааны 800 оноог цуглуулах бүсийн зэрэглэлтэйгээрээ онцлогтой. Тэмцээний аваргууд өнөөдөр тодорно.