Улаанбаатар
ХӨВСГӨЛ: Алтаргын голд усч гэрэлзгэнэ өвөлжиж байна
ОРОН НУТГИЙН МЭДЭЭ | ХӨВСГӨЛ
Мөрөн, 2025 оны нэгдүгээр сарын 21 /МОНЦАМЭ/. Хөвсгөл аймгийн Баянзүрх сумын Алтаргын голд усч гэрэлзгэнэ өвөлжиж байна.
Усч гэрэлзгэнэ нь ховордож буй амьтны нэг бөгөөд их бие нь 6-10 см, сүүл нь 4-8 см орчим урттай, 19 сар хүртэл амьдардаг, ихэвчлэн чийглэг, нойтон, усархаг газраар түлхүү амьдардаг.
Эм усч гэрэлзгэнүүд дулааны улиралд буюу 4-9 дүгээр сарын хооронд үржиж 1-3 зулзага гаргадаг.
Биеийн дээд хэсгийн арьс нь хар байдаг бол доод тал нь саарал, мөнгөлөгдүү өнгөтэй, хөлийн байрлал болон хөнгөн жин нь усанд живэхгүй байх үндсэн нөхцөл болдог байна.
Усч гэрэлзгэнэ нь усны гадаргуугийн таталцлыг ашиглан усыг огтлохгүйгээр чөлөөтэй гулгаж хөдөлдөг. Энэ чадвар нь тэднийг усны экосистемийн чухал хэсэг болгодог.
Байгальд шавжийн тоо толгойг хянахад чухал үүрэг гүйцэтгэдгээрээ онцлог амьтан юм.
Мөн усны экосистемийн тэнцвэрийг хадгалахад оролцдог бөгөөд байгалийн амьдралын сүлжээний нэгэн чухал холбоос болдог юм.
