Улаанбаатар
Дэлхийд 60 мянган төрөл зүйлийн мод байдаг
ДЭЛХИЙН МЭДЭЭ | БАЙГАЛЬ ОРЧИНЛОНДОН./ВВС/. Дэлхий дээр 60 065 төрөл зүйлийн мод байдаг болохыг судалгаагаар тогтоожээ.
“Botanical Gardens Conservation International” мод ургамал хамгаалах буяны байгууллага гишүүн 500 байгууллагаас цуглуулсан мэдээллийг судалж, дүн шинжилгээ хийсний үндсэн дээр модны төрөл зүйлийн жагсаалтыг нэгтгэн гаргасан байна.
Энэ жагсаалт нь ховор бөгөөд устаж үгүй болох эрсдэлд ороод байгаа модны төрөл зүйлийг таньж тогтооход нэмэр болно гэж тус байгууллага найдаж байна.
Судалгааны талаарх дэлгэрэнгүй мэдээллийг “Journal of Sustainable Forestry” сэтгүүлд нийтэлжээ.
Мэдээлэлд дурдсанаар, Бразил улс модны төрөл зүйлийн тоогоор дэлхийд тэргүүлж байна. Тус улсад 8715 төрөл зүйлийн мод байдаг аж.
Харин модгүй туйлын бүсийг эс тооцвол Хойд Америкийн Арктикийн ойролцоох бүсэд хамгийн цөөн буюу 1400-гаас олонгүй төрөл зүйлийн мод байдаг.
Г.Доржханд
