Улаанбаатар
Монголын бизнес инкубаторуудын үндэсний нэгдсэн холбоотой хамтран ажиллана
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төсөл 1-ийн хүрээнд Баянхошуу, Сэлбэ дэд төвд бизнес инкубатор болон мэргэжил, сургалт, үйлдвэрлэлийн төвийн зориулалт бүхий барилгыг 2018 онд ашиглалтад оруулна.
Энэ хүрээнд “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төсөл Монголын Бизнес инкубаторуудын нэгдсэн холбоотой хамтран ажиллах санамж бичгийг өнөөдөр байгууллаа. Санамж бичгийн хүрээнд жижиг дунд үйлдвэрлэлийг цогцоор нь хөгжүүлэх, эдийн засгийн өрсөлдөх чадварыг дээшлүүлэх, бизнес инкубатор төвийг хөгжүүлэх, бараа бүтээгдэхүүн, ажил, үйлчилгээг сурталчлан борлуулах, ажлын байр шинээр бий болгох зорилготой энэхүү бүтээн байгуулалтыг хамгийн оновчтой хэлбэрээр уялдуулах, үр шимийг нь бизнес эрхлэгчдэд хүртээх, мөн шинээр бизнес эрхлэх хүсэл эрмэлзэлтэй иргэдэд мэргэжлийн туслалцаа үзүүлэх зэрэг ажил хийгдэнэ.
Ч.Ариунболд
