Улаанбаатар
“Лалын улс” бүлэглэлийн толгойлогч байрлалаа өөрчилжээ
ДЭЛХИЙН МЭДЭЭ | УЛС ТӨРТЕГЕРАН. /FARS/. Олон улсын террорист “Лалын улс” байгууллагын толгойлогч Абу Бакр аль-Багдади байрлалаа өөрчилжТуркээс Ливид шилжин очжээ.
Тэрбээр Иракийн тагнуулчдын мөрдлөгөөс зугтахын тулд байрлалаа өөрчлөхөөс аргагүйд хүрснийг онцлон тэмдэглэж байна. Эх сурвалжийн мэдээлснээр, “Лалын улс”-ын толгойлогч Иракийн хойд нутагт оршдог Сирт хотоор дамжин Ливид очжээ.
Аль-Багдади өмнө нь Ирак, Сирийн хооронд хэд хэдэн удаа зорчсон байна. Тэрбээр хамгийн сүүлд өнгөрсөн сард Сирийн Альбу Камаль хотоос “Лалын улс”-ын босогчдод эзлэгдсэн Иракийн Мосул хотод очиж, дараа нь эндээсээ Турк руу дахин буцаж очжээ.
Иракийн Агаарын цэргийн хүчин “Лалын улс”-ын толгойлогч Абу Бакр аль-Багдадигийн явж байсан байж магадгүй автомашины цуваа руу 10 дугаар сарын 11-нд довтолсон юм. Дараа нь түүнийг шархадсан гэх мэдээлэл хэвлэлүүдэд гарсан билээ. Энэ үеэр тус бүлэглэлийн удирдлагын найман төлөөлөгчийг устгасан боловч лалын шашинтнуудын толгойлогчийн цогцос устгасан террористуудын дундаас олдоогүй байна.
Д.Жаргал
