Ulaanbaatar
Дарьганга сумын иргэд цэнгээнт бүжгээр хичээллэж байна
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Дарьганга сумын иргэд цэнгээнт бүжгээр хичээллэж эхэлжээ. Сумын ЗДТГ-ын санаачилгаар хийж буй уг ажил нь иргэдээ хөдөлгөөний хомсдолоос сэргийлэх, гоо зүйн боловсрол олгох гээд олон талын ач холбогдолтой аж. Бүжгийн сургалтад тус сумын 16-гаас дээш насныхан хамарч байна.
Иргэдээ нийтийн бүжиг суралцах боломжийг бүрдүүлж, сумын ЗДТГ-аас зардлыг нь даан Улаанбаатар хотоос хоёр
мэргэжлийн багш авчирч сургалтаа эхлүүлжээ. Сургалтад одоогоор 160 гаруй иргэн
хамарч байгаа аж. Төрийн албан хаагч, энгийн иргэд төдийгүй ахмадууд ч
цэнгээнт бүжгээр тогтмол хичээллэж, стандарт арван төрлийн бүжгээр хичээллэж
байна. Цаашид малчдаа цэнгээнт бүжгийн сургалтад хамруулахаар төлөвлөж
байгаагаа сумын засаг дарга Ц.Ганхуяг ярьж байлаа.
