Ulaanbaatar
З.Очир баатрын ач хүү өвөөгийнхөө нэрэмжит шагналыг хүртлээ
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган аймгийн хүндэт шагнал болох “Хөдөлмөрийн баатар З.Очирын нэрэмжит шагнал”-аар энэ жил таван малчныг шагналаа.
Аймгийн ИТХ-ын шийдвэрээр мал аж ахуйн үйлдвэрлэлд олон жил
үр бүтээлтэй ажиллаж, малын үүлдэр угсаа, ашиг шимийг нэмэгдүүлэхэд онцгой
анхаарч, залуу малчдыг халамжлан хүмүүжүүлж байгаа Баян-Агт сумын малчин
Л.Ганбаатар, Могод сумын малчин
А.Батбаяр, Сайхан сумын малчин М.Сэнгэдорж, Хишиг-Өндөр сумын малчин Г.Энхбаяр,
Хутаг-Өндөр сумын малчин Н.Ундрах нар “Хөдөлмөрийн баатар З.Очирын нэрэмжит
шагнал” хүртлээ. Хишиг-Өндөр сумын малчин Г.Энхбаяр алдарт хоньчин баатар З.Очирын
ач хүү бөгөөд өвөөгийнхөө нэрэмжит шагналын эзэн болоод байна.
