СЭЛЭНГЭ: Хүүхдийн спортын VII наадамд Сэлэнгийн баг тамирчид урьдчилсан байдлаар манлайлж явна
ОРОН НУТГИЙН МЭДЭЭ | СЭЛЭНГЭ
Сүхбаатар /МОНЦАМЭ/. Баянхонгор аймагт болж байгаа Монголын
хүүхдийн спортын зуны VII наадамд Сэлэнгэ аймгийн баг тамирчид урьдчилсан
байдлаар амжилтаараа улсын хэмжээнд 2-р байр, 21 аймгийн хэмжээнд тэргүүн байрт
явж байна.
Тус наадамд тус аймгаас 19 төрөлд 236 тамирчин оролцож байгаа
юм. Тамирчдыг тус аймгийн БТСГ-ын дарга У.Батмөнх,
ахлах дасгалжуулагч С.Дашдаваа, аймгийн БШУГ-ын
мэргэжилтэн А.Элбэгбаяр нар удирдан оролцож байна.
Тэмцээн энэ сарын 29-нд дуусна.