Нийслэлийн Эрүүл мэндийн газраас зөвлөмж гаргав

Монголын мэдээ | Эрүүл мэнд
bolor@montsame.mn
2016-02-08 10:52:34

Цагаан сарын баярын өдрүүдэд эмнэлгийн ачаалал ихсэж төрөл бүрийн хордлогот өвчин, архаг хууч өвчин сэдэрдэг. Иймд Нийслэлийн Эрүүл мэндийн газрааас дараах зөвлөмжийг хүргүүлж байна.

Зөвлөмжид архи дарснаас татгалзах, согтууруулах ундаа хэрэглэсэн л бол жолооны ард суухыг хатуу цээрлэх, бусдад шаардлага тавьж сурах, хоол ундыг тохируулан хэрэглэх, дулаан хувцаслаж даарч хөрөх, ханиад томуу авах, бусдад халдаахаас сэргийлэх, бага насны хүүхэд, өндөр настан, асаргаа сувилгаа шаардсан хүмүүст илүү анхаарал хандуулах, тэднийг ганцааранг нь орхихгүй байх, хараа хяналт тавих, жирэмсэн эхийг анхаарах, гал түймрийн аюулаас сэргийлэх арга хэмжээг авах, агаарын бохирдлоос хамгаалж өглөө оройд гадагшаа гарах бол амны хаалт хийж сурах, хоол унд бэлтгэх болон идэхийн өмнө, бие зассаны дараа гараа сайтар угааж байх, хол замд явах бол унааны бэлтгэл, найдвартай байдлыг хангах зэргийг тусгажээ.

Мөн гудамж талбайд хүн осгосон ухаангүй буюу биеэ авч явах чадваргүй байгаа бол  яаралтай 103, 102 дугаарын утсанд мэдэгдэх буюу анхны тусламж үзүүлэхийг зөвлөлөө.
 

Ж.Болор

Холбоотой мэдээ