Испани улс хүлээн авсан жуулчны тоогоор дээд амжилт тогтоожээ

ДЭЛХИЙН МЭДЭЭ | НИЙГЭМ
Jargal.d@montsame.mn
2019-01-17 13:39:18

МАДРИД. /RIA Novosti/. Испани улс 2018 онд хүлээн авсан жуулчны тоогоор дээд амжилт тогтоосон тухай тус улсын Аялал жуулчлал, худалдаа, аж үйлдвэрийн сайд Рейес Марото мэдээлжээ.


Өнгөрсөн онд Испанид 82.6 сая жуулчин аялсан нь 2017 оныхоос 0.9 хувиар өссөн үзүүлэлт аж. Хүлээж авсан жуулчдын тоогоор тус улс дэлхийд Францын дараа хоёрдугаарт оржээ. 2017 онд Франц 87 сая орчим жуулчин хүлээн авч байсан бөгөөд харин 2018 онд тус улсад хэчнээн жуулчин аялсан талаар хараахан мэдээлээгүй байна. 


Жуулчид өнгөрсөн онд Испани улсад нийтдээ 89.7 тэрбум евро зарцуулсан нь өнгөрсөн оныхоос 3.1 хувиар өссөн үзүүлэлт аж. Нэг жуулчин дунджаар 1082 евро зарцуулжээ. 


Холбоотой мэдээ