Золбин муур, нохой устгаж байна
ОРОН НУТГИЙН МЭДЭЭ | ДОРНОГОВЬДорноговь /МОНЦАМЭ/. Сайншанд сумын “Тохижилт Сайншанд-Хот тохижилтын газраас золбин муур, нохой устгах ажлыг нэгдүгээр сарын 21-нээс эхлэн зохион байгуулж байна.
Нохой муур устгах ажилд жилдээ 15 сая орчим төгрөг зарцуулдаг бөгөөд нэг нохойг 9000 орчим төгрөгөөр бодож мэргэжлийн анчнаар устгуулдаг аж.
Энэ удаа ойролцоогоор 800-900 нохой устгахаар төлөвлөжээ. Сайншандын хэмжээнд жил бүр 2000 орчим нохой устгадаг хэдий ч удалгүй өсчихдөг нь хөдөөний айлууд дөнгөж төрсөн зулзган гөлөгнүүдийг олноор авчирч Сайншандад төөрүүлдэгтэй холбоотой юм.
Тиймээс иргэд өөрийн эзэмшлийн муур нохойгоо хашаандаа байлгах, гэрчилгээ пайзжуулах хэрэгтэй байгааг сумын ЗДТГ-аас анхаарууллаа.