Хүүхдийн сэвлэг үргээх болон үс засуулахад тохиромжгүй

ЛАВЛАГАА
boloroo8136@gmail.com
2019-03-15 07:50:13

Улаанбаатар /МОНЦАМЭ/. Өнөөдөр аргын тооллын 2019 оны гуравдугаар сарын 15. Баасан гараг. Билгийн тооллын XVII жарны “Урвуулагч” хэмээх шороон гахай жилийн Хаврын дунд улаагчин туулай сарын 9. Сугар гараг. Хэрцгий охин одтой, найман цагаан мэнгэтэй цагаагчин гахай өдөр.

Барилдлага: Идэр 
Шүтэн барилдлага: Төрөхүй
Суудал: Хий

Өдрийн наран 7 цаг 05 минутад мандан, 18 цаг 55 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, нялхасын хурим хийх, хийморийн дарцаг хатгахад сайн.

Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Хүүхдийн сэвлэг үргээх болон үс засуулахад тохиромжгүй бөгөөд өвчин өчүүхэн ирнэ хэмээжээ. 

Холбоотой мэдээ