Япон, Ираны хамтын ажиллагааны асуудлыг хэлэлцжээ
ДЭЛХИЙН МЭДЭЭ | УЛС ТӨРВАШИНГТОН. /TASS/.
АНУ-ын Төрийн нарийн бичгийн дарга Майкл Помпео Японы
Гадаад хэргийн сайд Таро Конотой утсаар ярьж, Япон болон Ираны хамтын
ажиллагааны асуудлыг хэлэлцжээ. Энэ тухай АНУ-ын Төрийн Департаментын хэвлэлийн
албаны дарга Морган Ортэгус мэдэгдсэн байна.
Талууд мөн Хятад улсад хүний эрх зөрчигдөж байгаа явдал болон Хятадын “Huawei” компанийг АНУ-ын Худалдааны яамны хар жагсаалтад
оруулах асуудлыг хэлэлцжээ.
“Эдийн засгийн хориг арга хэмжээгээрээ
айлган сүрдүүлэхийг оролдож буй АНУ-тай Иран худалдаа хийх бодолгүй байна” хэмээн
Ираны Гадаад хэргийн сайд Жавад Зариф өмнө нь мэдэгдсэн юм. Мөн тэрбээр Ираны цөмийн
хөтөлбөрийн тухай "Үйл
ажиллагааны хамтарсан цогц төлөвлөгөө"-г хадгалан авч үлдэхийн төлөө Европын Холбоо
болон Япон ямар ч арга хэмжээ авч хэрэгжүүлээгүйд харамсаж буйгаа илэрхийлжээ.