Их аварга какүрюү М.Ананд 3 даваатай болов
МОНГОЛЫН МЭДЭЭ | СПОРТУлаанбаатар /МОНЦАМЭ/. Японы мэргэжлийн сумо бөхийн намрын тэмцээн буюу Аки башёгийн гурав дахь өдрийн барилдаанд 71 дэх Их аварга какүрюү М.Ананд Аоияматай хүч үзэж катакикоми мэхээр давснаар 3 даваатай болов.
Харин Тамаваши Б.Мөнх-Оргил Томоказед катакикоми мэхээр унаж 2 даваа, нэг унаатай болсон бол Ичиножёо А.Ичинноров энэ өдөр Митакүэмитэй хүч үзэж ёрикири мэхэнд ойчиж ганц даваа 2 унаатай башёг тааруухан эхлүүлээд байна. Гүржийн бөх Озэки Точиношин Хокүтофүжиг ёритаоши мэхээр давж 2 даваа нэг унаатай болов. Сэкиваке Такакейшо Асаноямаг катакикоми мэхээр давснаар 3 даваатай болсон бол Озэки Гойэдо Комүсүби Эндод ёрикири мэхээр унаж 2 даваа нэг унаатай байна.