Фейсбүүк болон цахим шуудангаар залилуулахаас сэрэмжлүүлж байна

МОНГОЛЫН МЭДЭЭ | ХУУЛЬ
183@montsame.mn
2019-09-19 15:03:33

Улаанбаатар /МОНЦАМЭ/. Фейсбүүк болон цахим шуудангаар өөрийгөө Франц Улсын иргэн гэж танилцуулан, банкнаас 1.5-2.0 хувийн хүүтэй ямар нэг барьцаагүй зээл авахад тусална хэмээн төрөл бүрийн бичиг баримт, банк санхүү, зээлийн гэрээ зэрэг хуурамчаар үйлдсэн бичиг баримт үзүүлж, иргэдээс их хэмжээний мөнгийг залилсан тохиолдол гарч байгаа талаар Парис дахь Элчин сайдын яамнаас сэрэмжлүүлж байна. 

Сүүлийн гурван сарын хугацаанд манай улсын гурван иргэн энэ төрлийн гэмт хэргийн золиос болсон тул  дээрх сэрэмжлүүлгийг албан ёсоор гаргасан байна. Тиймээс хохирогч болохоос сэргийлж, дээрх төрлийн аливаа санал, хүсэлт, цахим шуудан хүлээн авах тохиолдолд сонор сэрэмжтэй, хариуцлагатай хандахыг ГХЯ-ны Консулын газраас зөвлөж байна.

Холбоотой мэдээ