Орон сууцны зам гарцны галын аюулгүй байдлыг шалгана

Монголын мэдээ | Хууль
bolor@montsame.mn
2019-10-17 10:12:55

Улаанбаатар /МОНЦАМЭ/. НОБГ-аас нийслэлийн өндөр барилга байгууламж болон орон сууцны хорооллын байрны орох, гарах зам гарцад Галын аюулгүй байдлын тухай хууль, тогтоомжийн хэрэгжилт, Гал унтраах тусгай зориулалтын автомашин чөлөөтэй нэвтэрч ажиллах нөхцөл бололцоог хангуулах чиглэлээр хяналт шалгалт зохион байгуулж байна.

Энэ үеэр орон сууцны хороолол, хотхонд явган зам, гарцыг орон сууц, олон нийтийн барилгын гал гарсан хэсэг болон туслах барилгууд, галын шат руу саадгүй очих, гал унтраах тусгай зориулалтын автомашин чөлөөтэй зорчих, хүрэлцэн очих боломж нөхцөл, байрлах тусгайлсан талбайтай эсэх зэргийг шалгах юм.

Шалгалтаар илэрсэн зөрчил дутагдлыг арилгуулан шаардлагатай арга хэмжээг зохион байгуулж, мэргэжил аргазүйн зөвлөгөө өгч ажиллах аж.

Холбоотой мэдээ