"Харанга" хамтлаг шилдэг 30 дуугаа дуулна

Монголын мэдээ | Соёл урлаг
183@montsame.mn
2019-10-18 12:29:29

Улаанбаатар /МОНЦАМЭ/. Монголын рок попын домог болсон "Харанга" хамтлагийн 30 жилийн ойн тоглолт маргааш  “Буянт-Ухаа” спортын ордонд болно. Энэ тоглолт өдрийн 16.00 цагаас эхлэн найман цагийн турш шилдэг 30 уран бүтээлээ толилуулна. 

Тус  хамтлаг 30 жилийн ойдоо зориулж "Эрин зууны хөг” /1997/, “Best of Haranga” /1997/, “Бодлын тэнгис” /2000/, “Ертөнцийн өнгө” /2003/ цомгуудаа дахин хэвлүүлсэн. Мөн  шинэ цомгоо худалдаанд гаргахад бэлэн болжээ. Шинэ цомогт орж байгаа  шинэ дуугаа ч тоглолтынхоо үеэр үзэгчиддээ хүргэнэ. Яруу найрагч Л.Өлзийтөгсийн 2012 онд бичсэн “Шүлэгч” шүлэгт Урлагийн гавьяат зүтгэлтэн Ц.Чулуунбат  аялгуу зохиожээ.

Холбоотой мэдээ