ӨНӨӨДӨР: Хөшөө Цайдамын энгэр дэх хөшөөний бичээсийн тайллын талаар мэдээлнэ

Монголын мэдээ | Лавлагаа
ariunbold@montsame.mn
2019-11-18 06:24:33

Улаанбаатар /МОНЦАМЭ/. 11 дүгээр сарын 18-нд болох үйл явдлын тойм:

Төрийн ордонд УИХ дахь МАН-ын бүлэг, АН, ШИНЭН”-ын зөвлөл хуралдана.

Монголын Үндэсний музейд “Өнөр бүл хүүхдийн төв”-ийн хүүхдүүдийн “Эх дэлхийгээ хайрлая” гар урлал, уран зургийн бүтээлийн үзэсгэлэн эхэлнэ.

09.00 цагт ЭХЭМҮТ-ийн сургалтын танхимд "Томуу томуу төст өвчны үеийн оношилгоо эмчилгээний менежмент, сүүлийн үеийн чиг хандлага" сургалт болно. Утас: 99179899, 86885060

09.00 цагт “Чингис” зочид буудлын их танхимд "Умайн хүзүүны өмөнгийн оношилгоо эмчилгээний удирдамжийг шинэчлэх нь" сургалт, хэлэлцүүлэг болно. Утас: 99179899, 86885060

09.00 цагт НҮБ-ын байранд “Баримтат өвийн хадгалалт, хамгаалалт, түүний хүртээмж” сургалт болно.

09.00 цагт Цус сэлбэлт, судлалын үндэсний төвд “Хүүхдийн сүрье өвчнийг эрт илрүүлэх, ялган оношлох нь” сургалт болно.

09.30 цагт “Шангри-Ла” зочид буудалд “Хариуцлагатай бичил уурхай” форум болно. Утас: 99109723

10.00 цагт Нийслэлийн хэвлэл, мэдээллийн төвд Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй, Мэргэжлийн хяналтын газрын дэд дарга С.Даваасүрэн нар сайжруулсан түлшний хэрэглээний талаар мэдээлнэ.

10.00 цагт Үндэсний номын санд “Монгол ардын Жангар баатарлаг тууль”-г номын сангуудад бэлэглэх ёслол болно.

11.00 цагт “Монгол ньюс” мэдээллийн төвд Монголын байгаль орчны иргэний зѳвлѳлийн тэргүүн Б.Эрдэнэ “Монгол Улс аюултай хог хаягдлыг булшилдаг газар болох ёсгүй” сэдвээр мэдээлнэ.

11.00 цагт Төрийн ордны Иргэний танхимд Ерөнхийлөгчийн Тамгын газрын дарга З.Энхболд энэ онд "Чингис хаан" одон  авах эрхмийн нэрийг зарлана.

11.00 цагт ЭМЯ-нд ДЭМБ, НЭМҮТ-өөс “Антибиотикийн талаарх мэдлэг, хандлагыг дээшлүүлэх Дэлхийн 7 хоног”-ийн талаар мэдээлнэ.

11.30 цагт “Монгол ньюс” мэдээллийн төвд Хүннү бичээс тайлагч “Сэргэлэн Интернэйшнл Экспедишн” ТББ -аас Гол тигэний бага бичээс хэмээн алдаршсан Хөшөө Цайдамын энгэр дэх хөшөөний бичээсийг ШУА, Хэл зохиолын хүрээлэн, Монгол Алтай судлалын холбоо буруу тайлсан талаар  мэдээлнэ. Утас:  88821168

12.00 цагт Монголын Уран зургийн галерейд Соёлын гавьяат зүтгэлтэн, “Гамма” агентлагийн захирал С. Цацралтын “Атар60” үзэсгэлэнгийн нээлт болно.

13.30 цагт Монголын Театрын музейд Монгол, Солонгосын гэрэл зурагчдын хамтарсан “Autumn Festivals” үзэсгэлэнгийн нээлт болно.

14.00 цагт “Сити” цамхагт “Эерэг өөрчлөлт-залуучуудын оролцоо” уралдааны шилдэг бүтээл шалгаруулах ёслол болно. Утас: 88098294

14.00 цагт МУИС-ийн Номын санд Өргөн нэвтрүүлгийн тухай хууль, Эрүүгийн хууль, Зөрчлийн хуулийн хэлэлцүүлэг болно.

Холбоотой мэдээ