Улаанбаатар
Никарагуагийн эсрэг хоригийг Д.Трамп жилээр сунгажээ
ДЭЛХИЙН МЭДЭЭ | УЛС ТӨР
ВАШИНГТОН. /РИА Новости/. Никарагуа
улсын эсрэг 2018 оны 11 дүгээр сард авсан хоригийг АНУ-ын Ерөнхийлөгч Дональд
Трамп дахин нэг жилээр сунгажээ.
Ардчиллын
тогтолцоог нурааж, эсэргүүцэгчдийг хавчин дарж, тэдэнд хүчирхийлэл хэрэглэж,
авлига авч байгаа нь АНУ-ын үндэсний аюулгүй байдал, гадаад бодлогод ноцтой
аюул учруулсан хэвээр байна хэмээн Ерөнхийлөгч Конгресст гаргасан мэдэгдэлдээ Никарагуагийн
эрх баригчдыг дахин буруутгасан байна.
Нийгмийн
даатгалын шинэчлэлтэй холбоотой асуудлын улмаас Никарагуад өнгөрсөн оны 4
дүгээр сарын 18-наас эсэргүүцлийн ажиллагаа өрнөж эхэлсэн юм. Тус
шинэчлэлээр ажил олгогчид болон ажилтнуудын нийгмийн даатгалын шимтгэлийг
нэмэгдүүлэхийг эрх баригчид санал болгожээ. Шинэчлэлийг Никарагуа улсын
Ерөнхийлөгч Даниэль Ортега цуцалсан хэдий ч Засгийн газрыг эсэргүүцсэн жагсаал
цуглаан зогсоогүй юм.
