Хонконгийн жагсагчид АНУ-ын хуулийг сайшаажээ

ДЭЛХИЙН МЭДЭЭ | НИЙГЭМ
khulan@montsame.gov.mn
2019-11-29 07:11:21

ХОНКОНГ. /NHK/. "Хонконгийн ардчилал ба хүний эрхийг хамгаалах тухай" хуулийг АНУ-ын эрх баригчид баталсныг Хонконгийн Засгийн газрыг эсэргүүцэгчид сайшаан тайвнаар жагсжээ.


Зохион байгуулагчдын мэдээлснээр, Хонконг арал дээр пүрэв гарагт болсон цуглаанд 100 мянга орчим хүн оролцжээ. Тэд Америкийн төрийн далбааг барьж, төрийн дууллыг дуулж байжээ.


АНУ-ын Ерөнхийлөгч Дональд Трамп уг баримт бичигт лхагва гарагт гарын үсэг зурсан юм. Жагсагчид засаг захиргааны тэргүүнийг сонгох сонгууль явуулах гэх мэт шаардлагуудаа биелүүлэхийг Хонконгийн засаг захиргаанд уриалсан байна. 

Холбоотой мэдээ