Улаанбаатар
АНУ-ын тагнуулын нисэх онгоц Солонгосын хойгийн дээгүүр нисчээ
ДЭЛХИЙН МЭДЭЭ | УЛС ТӨР
СӨҮЛ. /TASS/. АНУ-ын Агаарын цэргийн хүчний /АЦХ/ “Boeing E-8C” нисэх онгоц Солонгосын хойгийн дээгүүр ниссэн байна. Уг онгоц БНАСАУ-ын Зэвсэгт хүчний үйл ажиллагааны талаар мэдээлэл цуглуулах зорилгоор ниссэн байж магадгүй гэж "Yonhap" агентлаг мэдээлжээ.
"Yonhap" агентлагийн мэдээлснээр, дээрх нисэх онгоцоор БНАСАУ-ын цэргүүдийн, мөн цэргийн техник хэрэгслүүдийн хөдөлгөөнд мониторинг хийх зэрэг тагнуулын мэдээлэл цуглуулах бүрэн боломжтой ажээ. “Boeing E-8C” өнгөрсөн удаад 11 дүгээр сарын 28-нд хоёр Солонгосын хилийн дээгүүр ниссэн байна.
АНУ-ын АЦХ Солонгосын хойгийн бүсэд үйл ажиллагаагаа сүүлийн үед эрс идэвхжүүлсэн гэж “Yonhap” агентлаг мэдээлсэн байна. Сүүлийн долоо хоногуудад "U-2S", "EP-3C" болон "RC-135V" загварын тагнуулын нисэх онгоцууд тус хойгийн дээгүүр нисжээ.
АНУ-ын үйл ажиллагаа ийнхүү идэвхжсэнийг БНСУ-ын эрх баригчид Пёньян Вашингтоныг эрс шүүмжилсэнтэй, мөн БНАСАУ өнгөрсөн долоо хоногт хэт том калибрын пуужин харвагч туршсантай холбоотой гэж үзэж байгаа аж.
