Төрийн албаны ерөнхий шалгалтын бүртгэлийг энэ сарын 30-ныг хүртэл цахимаар явуулна
ОРОН НУТГИЙН МЭДЭЭ | УВСУвс /МОНЦАМЭ/. Засгийн газрын хуралдаанаар энэ оны нэгдүгээр
сарын 1-ний өдрөөс эхлэн бүх төрийн албан хаагчдын цалинг 8-25 хувиар нэмэхээр
шийдвэрлэсэн. Энэ шийдвэрийн хэрэгжилт орон нутагт ямар
байгаа талаар
холбогдох мэргэжилтнээс нь тодрууллаа.
“Төрийн
үйлчилгээний албан хаагчдаас бусад төрийн албан хаагчдын цалин 8 хувиар
нэмэгдсэн. Харин үйлчилгээний албан хаагчид ажилласан
жилээсээ хамаарч цалин нь 5-25 хувиар нэмэгдэж байгаа” гэсэн тайлбарыг Аймгийн
ТӨАСЗ-ийн Нарийн бичгийн дарга С.Оюунбилэг өглөө.
Мөн
төрийн албаны ерөнхий шалгалтын бүртгэлийг энэ сарын 30-ныг хүртэл цахимаар явуулж байгаа аж. Шалгалт өгөхөөр бүртгүүлэх гэж буй иргэд бүртгэл дуусахаас
хэд хоногийн өмнө систем ачаалладаг тул эрт бүртгүүлэх
нь зүйтэй гэдгийг тэрбээр хэллээ.