ШУТИС ухаалаг ангитай болов
МОНГОЛЫН МЭДЭЭ | БОЛОВСРОЛУлаанбаатар /МОНЦАМЭ/. ЕБС-ийн 27 сургууль ухаалаг технологиор тохижуулсан ангитай болоод байна.
Багш,
сурагчид сүүлийн үеийн дэвшилтэт
технологи ашиглан хичээлээ сонирхолтой байдлаар судлах боломжтой болсон энэхүү
төслийг БНСУ-ын Кёнги аймгийн Санмён их сургууль хэрэгжүүлж байгаа юм.
Зөвхөн ЕБС
гэлтгүй ШУТИС энэхүү төсөлд хамрагдаж эхлэв. Ухаалаг ангид олон
үйлдэл нэг дор хийх боломжтой байдлаар програмчилсан самбар, 30-аас дээш тооны оюутан
ашиглах боломжтой суурин компьютер суурилуулжээ.
ШУТИС-д ухаалаг анги нээх ёслолын үеэр тус сургуулийн захирал
Б.Очирбат хэлэхдээ, “Мэдээллийн технологийн ололт амжилтад түшиглээд онлайн
хичээлээр солонгос хэлийг суралцах боломж бүрдэж байна. Мөн ухаалаг
ангийг бусад төрлийн хичээлд ч ашиглах боломжтойгоороо давуу талтай” хэмээн онцоллоо.
Багш нар хичээлээ сонирхолтой, үр өгөөжтэй байдлаар заах нэн таатай боломж олгож байгааг “Монголын дунд сургуулиудын солонгос хэлний багш нарын холбоо”-ны
тэргүүн Б.Саран-Отгон тодотгов.
Төслийн хүрээнд, ухаалаг ангид хичээл заах багш нарыг тусгай сургалтад хамруулан, гарын авлагаар хангажээ.