Оёдлын үйлдвэрүүд мянган амны хаалт нийлүүлэв

Орон нутагт | Өмнөговь
mishigsuren@montsame.mn
2020-02-19 11:13:42

Өмнөговь /МОНЦАМЭ/ Өмнөговь аймгийн төв Даланзадгадад үйл ажиллагаа явуулж буй оёдлын үйлдвэрүүд мянган амны хаалт оёохоор болсон билээ.

Тэдний нэг Д.Отгонцэцэг захиралтай "Говь хангай андууд" ХХК-ийн хамт олон идэвхитэй оролцож мянган амны хаалтыг Даланзадгад сумын Засаг даргад хүлээлгэн өгөв. 

Дэлхийн олон улс оронд тархаад байгаа коронавируснээс урьдчилан сэргийлэх арга хэмжээг тус аймагт онцгой анхаарч ажиллаж байна.

Учир нь Өмнөговь аймагтай хиллэдэг БНХАУ-ын ӨМӨЗО-ны Баяннуур аймгийн Халиут гацаанд хоёр тохиолдол бүртгэгдээд байгаа юм.

Төрийн ажил үйлчилгээг иргэддээ хүргэж байгаа  албан хаагчид болон тэдний ар гэрийнхэнд Даланзадгад сумын ЗДТГ-аас амны хаалт, агаар цэвэршүүлэгч  болон гар ариутгагч бодисыг олгосон. Мөн амны хаалт тогтмол зүүж өөрийгөө болоод гэр бүл, хамт олон, хайртай хүмүүсээ хамгаалахыг иргэдэд сурталчилж байна. 

Холбоотой мэдээ