Хөвсгөл аймагт 2 иргэн ажиглалтын тусгаарлалтад байна

Орон нутагт | Хөвсгөл
gantuyaB@montsame.mn
2020-02-27 09:27:22

Хөвсгөл /МОНЦАМЭ/. БНСУ-д шинэ төрлийн коронавирүсний халдварын тохиолдол эрчимтэй нэмэгдэж байгаа учраас Хөвсгөл аймгийн Нэгдсэн эмнэлгийн Халдвартын тасагт 2 иргэнд ажиглалтын тусгаарлалт хийж шинжилгээний сорьцыг авч Халдварт өвчин судлалын үндэсний төвд илгээлээ.

Тусгаарлагдсан иргэдийн биеийн байдал сайн, эмнэл зүйн шинж тэмдэг илрээгүй ч халдварын эрсдэл өндөртэй тул тархвар судлалын үйл ажиллагааны хүрээнд тусгаарлалт хийж байна. Тодруулбал тусгаарлагдсан иргэн С энэ сарын 20-нд Пусанаас Улаанбаатарт онгоцоор ирж хотод эгчийндээ нэг хоноод 21-нд автобусаар Мөрөн суманд ирсэн. Харин иргэн Б

2 дугаар сарын 12-нд Улаанбаатараас - Сөүл - Улаанбаатар чиглэлийн онгоцны нисгэгчээр ажилласан бөгөөд энэ сарын 19-21-нд дээрх чиглэлд дахин нислэг үйлдэж 22-нд өөрийн хувийн машинаар Хөвсгөлд ирсэн байна. Ажиглалтын тусгаарлалтад байгаа 2 иргэний шинжилгээний хариу маргааш гарах ажээ.


Холбоотой мэдээ