Улаанбаатар
“Шинчонжи" сүмийг үндэслэгч уучлалт гуйжээ
ДЭЛХИЙН МЭДЭЭ | НИЙГЭМ
СӨҮЛ. /Yonhap/. БНСУ-д
“COVID-19”
коронавирусээр халдварласан хүний тоо огцом нэмэгдээд байгаа энэ үед тус
улсын “Шинчонжи” шашны бүлгийн удирдагч Ли Ман Хи олноос уучлалт гуйжээ. Энэ
тухай тэрбээр даваа гарагт болсон хэвлэлийн бага хурлын үеэр мэдэгдсэн байна.
“Та бүхнээс чин сэтгэлээсээ хүлцэл өчиж байна. Надад үнэхээр харамсалтай байна. Бид бүх үйл ажиллагаа, хурал цуглаануудаа цуцалж, засгийн газартай хамтран ажиллаж, чадах бүхнээ хийж байгаа” хэмээн тэрбээр хэлсэн байна.
Сөүл хотын эрх баригчид Ли Ман Хи болон Шинчонжи сүмийн өөр 11 удирдагчийн
эсрэг прокурорын газар гомдол мэдүүлсэн тухай өмнө нь “Би-би-си” телевиз мэдээлсэн юм. Тэднийг хүний аминд хүрсэн, хор хөнөөл учруулсан, халдварт өвчний
тархалтад хяналт тавих хуулийг зөрчсөн хэмээн буруутгаж байгаа аж.
Улсын төвд коронавирусний халдварыг тараасан гол хүмүүс нь "Шинчонжи" шашны байгууллагын гишүүд байсан юм хэмээн БНСУ-н эрх баригчид үзэж байгаа юм.
