Тусгаарлагдсан иргэд гэртээ харилаа
ОРОН НУТГИЙН МЭДЭЭ | УВСУвс /МОНЦАМЭ/. Улаангом хотноо тусгаарлагдаад байсан 57 иргэнээс коронавирусний халдвар илрээгүй тул тэднийг 18 хоногийн дараа буюу энэ сарын 6-ны өдөр гэр гэрт нь буцаалаа.
Тодруулбал, өнгөрсөн сарын 21-ний өдөр
Боршоогийн шалган нэвтрүүлэх боомтоор ОХУ-д суралцдаг Монгол Улсын 53 оюутан
орж ирж, Улаангом политехник коллежийн дотуур байранд тусгаарлагдсан юм. Үүнээс
гадна Кызыл хотоос улсын хилээр нэвтэрсэн Монгол Улсын 4 иргэнийг мөн тус
байранд тусгаарлаад байсан юм. Тэрчлэн Ирланд-Москва чиглэлийн онгоцоор Москвад
бууж Боршоогийн хилээр ирсэн Увс аймгийн иргэн П-г коронавирусний халдварын
голомттой бүс нутгаас ирсэн тул аймгийн Нэгдсэн эмнэлгийн Халдвартын тасагт тусгаарлаад
байсан юм. Эдгээр 58 иргэнээс коронавирусний халдвар илрээгүй тул 18 хоног тусгаарлаад гэр гэрт нь буцаалаа.