Улаанбаатар
БНАСАУ пуужингийн ээлжит туршилт явуулжээ
ДЭЛХИЙН МЭДЭЭ | УЛС ТӨР
СӨҮЛ. /RIA Novosti/. БНАСАУ өнөө өглөө хөлөг онгоц эсэргүүцэгч, “агаар-газар” ангиллын хэд хэдэн далавчит пуужин Япон тэнгис рүү харвалаа гэж БНСУ-ын Зэвсэгт хүчний штабуудын дарга нарын хороо мэдээлжээ.
“Yonhap” агентлагийн мэдээлснээр, пуужингуудыг өглөөний 07:00 цагт эргийн Мунчон хот орчмоос БНАСАУ-ын Агаарын цэргийн хүчний “Су” сөнөөгч онгоцноос харважээ. Пуужингууд 150 орчим км нисэж, тэнгист унасан байна.
“Манай цэргүүд байдлыг үргэлжлүүлэн хянаж байгаа бөгөөд дахин пуужин харваж болзошгүй тул өндөржүүлсэн бэлэн байдалд байна” гэж БНСУ-ын штабуудын дарга нарын хорооны мэдэгдэлд тэмдэглэжээ.
БНАСАУ 2020 он гарснаас тав дахь удаагаа пуужин туршиж буй юм. Тус улс хамгийн сүүлд гуравдугаар сарын 29-нд пуужин харвасан бөгөөд БНСУ-ын штабуудын дарга нарын хорооноос мэдээлснээр, Вонсан хот орчмоос ойрын зайн тусгалтай хоёр пуужин Япон тэнгис рүү харважээ.
