Улаанбаатар
Худалдааны салбарын борлуулалт 17,3 их наяд төгрөг болжээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Худалдааны салбарын нийт борлуулалт энэ оны эхний 10 сард 17.3 их наяд төгрөг болж, өмнөх оны мөн үеийнхээс 1.6 (8.6 хувь) их наяд төгрөгөөр буурлаа.
Харин 2020 оны 10
дугаар сард 2.0 их наяд төгрөг болж, өмнөх сараас 66.1 (3.4 хувь) тэрбум
төгрөгөөр өссөн байна.
Худалдааны салбарын борлуулалтын орлогын оны эхний 10 сард
36.9 хувь нь бөөний худалдаа, 63.1
хувь нь жижиглэн худалдааны салбарт ногдов.
Жижиглэн худалдааны борлуулалтын орлого оны эхний 10 сард
11.0 их наяд төгрөг болж, өмнөх оны
мөн үеийнхээс 1.1 (9.5 хувь) их наяд төгрөгөөр, бөөний
худалдааны борлуулалтын орлого 6.4 их
наяд төгрөг болж, өмнөх оны мөн үеийнхээс
488.7 (7.1 хувь) тэрбум
төгрөгөөр буурчээ.
Худалдааны салбарын нийт борлуулалтын 83.2 хувь нь
Улаанбаатар хотод ногдож байна. Нийслэлийн
худалдааны салбарын борлуулалт оны эхний 10 сард 14.4 их наяд төгрөг
болж, өмнөх оны мөн үеийнхээс 1.6 (10.3 хувь) их наяд төгрөгөөр буурав.
Харин энэ оны
10 дугаар сард 1.7 их наяд төгрөг
болж, өмнөх сараас 42.1 (2.6 хувь)
тэрбум төгрөгөөр өсжээ.
Өмнөговь аймагт худалдааны борлуулалт оны эхний 10 сард
482.8 тэрбум төгрөг болж, аймгуудын
(нийслэлийг оруулаагүй) борлуулалтын нийт дүнд 16.6 хувийг эзэлж байгааг Үндэсний статистикийн хорооноос
мэдээлэв.
