Улаанбаатар
PCR шинжилгээний 285.2 кг хог хаягдал цугларсан байна
МОНГОЛЫН МЭДЭЭ | ЭРҮҮЛ МЭНД
Улаанбаатар
/МОНЦАМЭ/. Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн
байгууламжууд буюу Элемент ХХК, Элемент медикал ХХК-иудын үйл ажиллагаанд
Мэргэжлийн хяналтын байгууллагаас өдөр бүр хяналт хийж байна.
Сүүлийн 24 цагийн байдлаар 277 эмнэлэг, эм хангамжийн байгууллага, 3
тусгаарлан ажиглах байр, 15 түргэвчилсэн оношилгооны цэг, Буянт-Ухаа боомт дахь
Хилийн Мэргэжлийн Хяналтын алба зэрэг газраас 4622.3 кг хог хаягдал тээвэрлэсэн байна.
Хог
хаягдлын бүтцээр авч үзвэл, эрүүл мэндийн байгууллагаас 4083.4 кг /хурц үзүүртэй, эмгэг хог, эмийн болон
эсэд хортой, бусад халдвартай/, тусгаарлах байрнаас 97.9 кг, PCR шинжилгээний
285.2 кг, онгоц, карго ачаа тээврийн 82.3 кг хог хаягдал цуглуулжээ. Цуглуулсан
4548.8 кг хогийг устгаснаас 3265 кг хогийг халдваргүйжүүлсний дараа булж,
1283.8 кг хог хаягдлыг шатааж устгажээ.
