Улаанбаатар
БЗД-ийн эмнэлэгт бүртгэгдсэн тохиолдолтой ойр харилцсан 69 хүнийг тусгаарлажээ
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Коронавируст халдварын том дэгдэлтийн дараа алаг цоог, эх уурхай нь тодорхойгүй өвчлөл гарах эрсдэлтэй. Тиймээс халдвар бүртгэгдсэн тухайн үед шуурхай арга хэмжээ авах, хүн амын дунд халдварыг алдахгүй байх, олон хүнийг өвчлүүлэхгүй байх, тогтоосон хавьтлуудаа тусгаарлах, хяналтад авах нь чухал гэдгийг ЭМЯ-ны өнөөдрийн хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа онцлов.
Тэрбээр мэдээлэлдээ, “Бид өчигдөр 18.00 цагаас хойш өнөөдрийг хүртэл ажиллан ойрын хавьтал 69 хүнийг тусгаарлах байруудад тусгаарласан. Одоогоор ойрын хавьтал 171 хүний шинжилгээнд коронавирус илрээгүй. Хоёр дахь хавьтал 200-гаад хүнийг гэр гэрт нь тусгаарлан, Нийслэлийн Эрүүл мэндийн газартай хамтран үргэлжлүүлэн тандалт, судалгаа, шинжилгээ хийх болно” гэв.
Мөн тэрбээр коронавируст
халдварын голомт үүсэж гарсны дараа алаг цоог байдлаар халдвар гарах эрсдэл өндөр
байгаа тул иргэд амны хаалт зүүх, зай барих, хувийн ариун цэвэр сахихад онцгой
анхаарах хэрэгтэй гэдгийг сануулсан юм.
