Орон зайн мэдээллийн суурь 18 өгөгдлийн стандарт батална

Монголын мэдээ | Улс төр
ariunbold@montsame.mn
2021-05-12 08:29:15

Улаанбаатар /МОНЦАМЭ/. Монгол Улсын Шадар Сайдын ахалсан Газрын шинэтгэлийн Үндэсний хорооны ээлжит цахим хуралдаанаар 2020 оны ажлаа хэлэлцэж, энэ онд хэрэгжүүлэх ажлын төлөвлөгөөг баталлаа. 


Шадар сайд С.Амарсайхан Орон зайн мэдээллийн суурь 18 өгөгдлийн стандартыг 45 хоногт багтаан батлуулахыг Газар, зохион байгуулалт, геодези, зураг зүйн газар болон Стандарт, хэмжил зүйн газарт  үүрэг болгов. Ингэснээр төрийн байгууллагууд нэгдсэн мэдээлэлд үндэслэн “Алсын хараа-2050” урт хугацааны бодлогын хөтөлбөрийг хэрэгжүүлэх салбарын бодлого, төлөвлөлтөө боловсруулах суурь нөхцөл бүрдэх чухал ач холбогдолтой юм.


Газрын шинэтгэлийн Үндэсний хороо нь Монгол Улсын нутаг дэвсгэрийн хэмжээнд газрын шинэтгэлийн чиглэлээр УИХ, Засгийн газраас баталсан хууль, тогтоомж бодлогын баримт бичиг, үйл ажиллагааны төлөвлөгөө болон олон улсын гэрээний хэрэгжилтийг хангуулж, нэгдсэн удирдлагаар удирдан зохион байгуулахтай холбогдсон үйл ажиллагааг зохицуулах үүрэгтэй. Хороонд сайд нар болон чиглэлийн агентлаг, газрын удирдлагууд багтдаг гэж Шадар сайдын Ажлын албанаас мэдээллээ. 

Холбоотой мэдээ