Цусны төвийн шинэ барилга ашиглалтад оров

Монголын мэдээ | Эрүүл мэнд
bolor@montsame.mn
2016-06-24 16:21:55

Цус сэлбэлт судлалын үндэсний төв /ЦССҮТ/-ийн шинэ барилга ашиглалтад орж, өнөөдөр нээлтээ хийлээ.

Монгол Улсын Засгийн газраас зориулалтын шинэ барилгыг ашиглалтад оруулах, цус цуглуулах, шинжлэх, үйлдвэрлэх, хадгалах орчин үеийн технологи бүхий цусны албаны техник технологийн иж бүрэн шинэчлэл хийхээр шийдвэрлэсний дагуу Засгийн газрын 2.94 тэрбум төгрөгийн хөрөнгө оруулалт болон АХБ-ны 419 сая төгрөгийн нэмэлт санхүүжилтээр барьжээ.

Энэхүү иж бүрэн шинэчлэлийн хүрээнд цус, цусан бүтээгдэхүүнийг туяагаар шарах, хүйтэн өрөөнд нөөцлөн хадгалах, улаан эсийг глицеринжүүлэн хөлдөөж хадгалах, цусны цагаан бөөмийн вирус идэвхжүүлэх,  донороос улаан эс, ялтаст эс, цагаан эсжүүлсэн ялтас эс дангаар ялгах зэрэг шинэ технологийг нэвтрүүлэх юм.

Ингэснээр Монгол Улсын цусны албаны үйл ажиллагааны хүчин чадал 3-5 дахин нэмэгдэж, цус цусан бүтээгдэхүүний үйлдвэрлэл олон улсын жишигт хүрэх боломж нээгдэж байна.

Ж.Болор

Холбоотой мэдээ