Булганы Рашаант сум "Бэсрэг наадам" зохион байгууллаа
ОРОН НУТГИЙН МЭДЭЭ | БУЛГАНБулган аймгийн урд сумдын амралтын газрууд "Бэсрэг наадам" зохион байгууллаа. Аялал жуулчлалыг хөгжүүлэх, Монголын өв соёл болох эрийн гурван наадмыг сурталчлан таниулах зорилготой Рашаант сумын ЗДТГ зохион байгуулжээ.
Наадмаар 3 насны морьд, аймаг сумын цолтой 48 бөх, 2 харваач хурд, хүч, цэц мэргэнээ сорьлоо. Мөн гадаадын 200 гаран жуулчид үзэж сонирхсон байна.
Одоогийн байдлаар Булган аймагт 13 амралт, аялал жуулчлалын газар үйл ажиллагаагаа явуулж байна. Тэдний 6 нь урд буюу Рашаант, Гурванбулаг, Дашинчилэн сумдад байрладаг бол бусад нь аймгийн төв болон үлдсэн сумдаар байрладаг. тэд хавар, намар, зуны цагт үйл ажиллагаа явуулж зөвхөн нэг амралтын газар л өвөл үйл ажиллагаа явуулдаг байна.
Төлбөрийн хувьд эмчилгээний, амралтын, аялал зугаалгын гэдгээсээ шалтгаалан монгол гэр, шовгор байшингууд 25-70 мянган төгрөгний хооронд хэлбэлздэг юм байна.
П.Батням