Өсвөрийн тамирчин Б.Халиун маргааш дагаж барилдана
МОНГОЛЫН МЭДЭЭ | СПОРТУлаанбаатар /МОНЦАМЭ/. “Будапешт-2021” өсвөр үеийн ДАШТ-ий чөлөөт бөхийн охидын барилдаан өнөөдөр эхэлсэн бөгөөд 57 кг-д “Женко” клубийн тамирчин Бямбасүрэнгийн Халиун нэг ялж, ялагдсанаар дагах барилдаан хийхээр болов.
Тэрбээр 1/8 шигшээд Хорватын Лана Ногичийг 10:0-ээр ялсан ч шөвгийн наймд Туркийн Селви Иляасоглуд 3:4-өөр харамсалтай ялагдсан. Харин өрсөлдөгч нь үдээс хойш хагас шигшээд ОХУ-ын Анжелина Первукинаг 4:2-оор ялснаар манай бөх маргааш дагаж барилдахаар боллоо. Түүний эгч Б.Хулан маргааш 61 кг жинд барилдаанаа хийх юм.