Номгон уул орчимд хамгийн их буюу 146,0мм хур тунадас орлоо

ОРОН НУТГИЙН МЭДЭЭ | ӨМНӨГОВЬ
mishigsuren@montsame.mn
2021-07-26 18:04:04

Өмнөговь /МОНЦАМЭ/ Өмнөговь аймгийн Баяндалай сум, Номгон уул орчимд хамгийн их буюу 146,0мм  хур тундас оржээ.

Тус аймгийн нутагт энэ сарын 24-26-ны өдрүүдэд усархаг бороо үргэлжлэн орж ган тайллаа. Аймгийн УЦУОШТ-ийн мэдээлж байгаагаар  Баяндалай сумын Номгон уул орчимд 146.0мм, Зүүн сайхан уулын Эхэн түрүү орчимд 142,3мм, Ханбогд сум 124,0мм, Даланзадгад сум 114,0мм, Хүрмэн сум 103,0мм бороо орсон нь хамгийн их хур тундас унасан байна. Гурвантэс суманд 8,4мм бороо орсон нь хамгийн бага хур тундас унажээ. Мэргэжлийн байгууллагын мэдээлж байгаагаар Даланзадгад, Хүрмэн сумдад орсон хур тундас нь агаарын температур, үргэлжилсэн хугацаанаас хамааран аюултай үзэгдлийн хэмжээнд хүрчээ. 

Ташрамд 2018 оны 07 сарын 27-28-ны өдрүүдэд ийм хэмжээний бүх нутгийг хамарсан бороо орж байсан ажээ. 

Холбоотой мэдээ