Эмма Маккеон эмэгтэйчүүдийн 100 метрийн чөлөөт сэлэлтийн төрөлд түрүүлжээ

Дэлхийд | Спорт
anudaritsagaan@gmail.com
2021-07-30 13:59:57

ТОКИО. /CNN/. Австралийн усан сэлэлтийн тамирчин Эмма Маккеон өнөөдөр болсон эмэгтэйчүүдийн 100 метрийн чөлөөт сэлэлтийн төрөлд 51.96 секундийн амжилтаар алтан медаль хүртэж, Олимпын дээд амжилтыг шинэчлэн тогтоолоо.

Ингэснээр Э.Маккеон Олимпын наадмын тус төрөлд Дон Лоррейн Фрейзер /1956, 1960, 1964/, Жоди Хенри /2004/ нарын дараа алтан медаль хүртэж буй Австралийн гурав дахь усан сэлэлтийн тамирчин болж байна.

Тус төрөлд өрсөлдсөн Хонконгийн тамирчин Сиобхан Хаухи 52.27 секундийн амжилтаар мөнгөн медаль хүртсэнээр Токиогийн Олимпын наадмаас хоёр дахь медалиа хүртлээ.

Тэрбээр лхагва гарагт болсон эмэгтэйчүүдийн 200 метрийн чөлөөт сэлэлтийн төрөлд мөнгөн медаль хүртсэн нь Хонконгийн тамирчин усан сэлэлтийн төрлөөр Олимпын наадмаас медаль хүртсэн анхны тохиолдол болсон юм.

Харин Австралийн тамирчин Кейт Кэмпбелл 52.52 секундийн амжилтаар хүрэл медалийн болзол хангажээ. Токиогийн Олимпын наадмыг оролцуулаад Олимпын гурван алтан медалийн эзэн тэрбээр 2008 оны Бээжингийн Олимпын наадмаас 4х100 метрийн чөлөөт буухиа сэлэлтийн төрөлд хүрэл медаль хүртэж байжээ. 

Холбоотой мэдээ