Улаанбаатар
Казахстаны нийслэлийн 1 сая дахь иргэн мэндэлжээ
ДЭЛХИЙН МЭДЭЭ | СОНИН ХАЧИНАСТАНА. /KAZINFORM/. Казахстаны нийслэл Астана хот долдугаар сарын 4-нд нэг сая дахь иргэнээ хүлээж авлаа гэж өчигдөр болсон төрийн далбаа мандуулах ёслолын үеэр тус улсын Ерөнхийлөгч Нурсултан Назарбаев мэдэгдлээ.
Казахстан даяар “Нийслэлийн өдөр”-ийн баярын арга хэмжээ уламжлал ёсоор төрийн далбааны ёслолоор эхэлдэг аж. Энэ онд Астана хотын 18 жилийн ой тохиож байна.
“Мухамедияровын гэр бүлд 2016 оны 7 дугаар сарын 4-нд Астана хотын 1 сая дахь иргэн мэндэлснийг мэдэгдэхдээ баяртай байна. Одоо Астана нэг сая оршин суугчтай боллоо” гэж Ерөнхийлөгч Назарбаев хэлжээ.
Сануулан дурдахад, 1994 оны 7 дугаар сарын 6-нд Бүгд Найрамдах Казахстан Улсын Дээд Зөвлөл нийслэлийг Алма-Аты хотоос Акмола руу шилжүүлэх шийдвэр гаргаж байсан юм.
Уг шийдвэрийн дагуу 1997 оны 12 дугаар сарын 10-нд нийслэлийг албан ёсоор шилжүүлсэн билээ.
Харин 1998 оны 5 дугаар сарын 6-ны Ерөнхийлөгчийн зарлигийн дагуу Акмола-г Астана гэж нэрлэх болжээ. Казахстан улс шинэ нийслэлээ 1998 оны 7 дугаар сарын 10-нд дэлхий нийтэд танилцуулсан юм.
Г.Доржханд
