"Төв буганууд" эхний тоглолтыг хожлоор дуусгав

Монголын мэдээ | Спорт
dusem11@yahoo.com
2021-10-18 17:41:11

Улаанбаатар /МОНЦАМЭ/. Ирэх жил буюу 2022 оны Hisense үндэсний дээд лигт тоглох эрхийн төлөө дээд лигийн 9 дүгээр байрын "Хоромхон", нэгдүгээр лигийн 2 дугаар байрын "Төв буганууд" клубүүд өрсөлдөж “Хоромхон” 4:3-аар хожигджээ.


Ням гарагт болсон энэхүү эхний тоглолтод "Төв буганууд" дээд лигт оролцох асар их хүсэл эрмэлзэлтэй байгаагаа харуулан, эрч хүчтэй тоглож 4:3-аар хожсон байна.


Хамгаалалтаас сөрөг довтолгоог чанартай гүйцэтгэж байсан "Төв буганууд" үндсэн цагийг 4:1-ээр дуусгасан ч шүүгчийн сунгасан 5 минутад 2 гоол алдаж, 3 гоолын зөрүүтэй хожих боломжоо үгүй хийсэн юм.


Дээд лигийн арвин түүхтэй "Хоромхон"-ы эсрэг нэг гоолын зөрүү гэдэг том давуу тал биш хэдий ч "Төв буганууд" эхний тоглолтыг хожлоор өндөрлүүлж чадлаа.


Хариу тоглолт 10 дугаар сарын 19-ний мягмар гарагт 18:30 цагаас МХБХ-ны цэнгэлдэх хүрээлэнд болно.



Холбоотой мэдээ