АНУ, Европын орнууд БНАСАУ-ын туршилтыг зэмлэн буруушаажээ
ДЭЛХИЙН МЭДЭЭ | УЛС ТӨРНЬЮ-ЙОРК. /АР/. АНУ болон Европын Холбооны хэд хэдэн орон БНАСАУ-ын
саяхан явуулсан пуужингийн туршилтыг лхагва гарагт зэмлэн буруушаагаад, тус
улсын цөмийн, пуужингийн хөтөлбөрүүд, эдийн засгийн үйл ажиллагаанд тавьсан НҮБ-ын
хориг арга хэмжээнүүдийн хэрэгжилтийг сайжруулахыг уриалжээ.
АНУ-аас НҮБ-д суугаа төлөөлөгч Линда Томас-Гринфилдийн хувьд Аюулгүйн Зөвлөлийн тогтоолуудыг
зөрчсөн “өдөөн хатгалгаа” зогсоохыг БНАСАУ-д уриалсан байна. Тэрбээр үргэлжлүүлэн
хэлэхдээ, БНАСАУ Солонгосын хойгийг цөмийн зэвсгээс бүрэн ангижруулахын төлөө АНУ-ын засаг захиргаатай нөхцөл болзолгүйгээр хэлэлцээгээ эхлүүлэх хэрэгтэй
гэв.
Мөн НҮБ-ын хориг
арга хэмжээнүүдийг бүрэн хэрэгжүүлэхийг бүх улс оронд хандан уриалаад, ингэснээр
БНАСАУ-ыг баллистик пуужингийн хөтөлбөр, үй олноор хөнөөх зэвсгүүдийг хөгжүүлэхэд
шаардагдах санхүүжилт, технологи, мэдлэг туршлагыг олж авахаас сэргийлж чадна
гэдгийг онцлон хэлжээ.