Унгар улсын Элчин сайд Булган аймагт зочиллоо

Орон нутагт | Булган
batjargal@montsame.mn
2021-10-22 15:19:52

Булган /МОНЦАМЭ/ Унгар Улсаас Монгол Улсад суугаа Онц бөгөөд Бүрэн эрхт Элчин сайд Борбала Анна Обрушански Булган аймагт зочиллоо.

Аймгийн Засаг дарга Б.Ариун-Эрдэнэ, Элчин сайд Борбала Анна Обрушански нар уулзалт хийж, эрүүл мэнд, боловсрол, хөдөө аж ахуй, дэд бүтцийн салбарт хамтран ажиллах, түүх, соёлын өвийг хамгаалах, сэргээх, аялал жуулчлалыг хөгжүүлэх, Унгар улсад оюутан сургах чиглэлээр санал солилцлоо.

Элчин сайд Борбала Анна Обрушански айлчлах хугацаандаа Баяннуур сумын Майхан уулын Шороон бумбагар, Дашинчилэн сумын Харбухын балгас зэрэг түүх соёлын дурсгалтай танилцаж, аймгийн Нэгдсэн эмнэлэгт амьсгалын аппарат бэлэглэлээ. Унгар Улсаас Монгол Улсад суугаа Онц бөгөөд Бүрэн эрхт Элчин сайд Борбала Анна Обрушанскитай хамт ЭСЯ-ны дэд тэргүүн Цүцай Аттила нарын албаны хүмүүст хамт ажиллалаа.

Холбоотой мэдээ