Улаанбаатар
Хүн амын махны нөөцийг бүрдүүлэхэд 200 сая төгрөг төсөвлөжээ
ОРОН НУТГИЙН МЭДЭЭ | ЗАВХАН
Завхан/МОНЦАМЭ/. Тус аймаг 2021-2022
онд хүн амын өвөл, хаврын хүнсний хэрэгцээнд 218 мянга 660
гаруй толгой малыг хэрэглэх төлөвлөгөөтэй байна гэж аймгийн ХХААГ-аас мэдээлэв.
Харин зах зээлд 373 мянган толгой малыг худалдан борлуулах төлөвлөгөөтэй байна. Төв суурин газрын хүн амын хүнсний хэрэгцээнд 128,5 тонн малын махыг Монгол Улсын Шадар сайд, ХХААХҮ-ийн сайдын хамтарсан 01 албан даалгаврын 1.1 заалтын дагуу нөөцлөх ажлыг зохион байгуулж байна.
Харин төв суурин газрын хүн амын хаврын улирлын хүнсний хэрэгцээнд махны
нөөц бүрдүүлэхээр 200,0 сая төгрөг төсөвлөсөн. Малын махыг бэлтгэж, хадгалж,
нөөцлөх ажлыг зохион байгуулах ажлууд хийж байна гэв. Тухайлбал, Тосонцэнгэл суманд хоногт 500 бог нядлах хүчин
чадалтай мах боловсруулах үйлдвэртэй болжээ. “Баяннюфүүд сентури” ХХК нь 2.0
тэрбум төгрөгийн өөрийн хөрөнгө оруулалтаар хоногт 500 бог, 200 бод нядлах
хүчин чадалтай мах боловсруулах үйлдвэрийг ашиглалтад оруулсан байна. Тус
компани боловсруулсан махаа Улаанбаатар хот болон гэрээт газруудад нийлүүлдэг
аж.
