Төслөөс долоон ААН, 19 иргэн нийт 654.9 сая төгрөгийн зээл авчээ
ОРОН НУТГИЙН МЭДЭЭ | АРХАНГАЙАрхангай /МОНЦАМЭ/. "Зах зээл ба Бэлчээрийн удирдлагын хөгжил нэмэлт Санхүүжилт" /ЗЗБУХНС/ төслийн хүрээнд бизнес эрхлэгч иргэд, хуулийн этгээдэд төслийн зээлийг Төрийн банкаар олгож эхэллээ.
Тус зээлийг 2020 оноос ХААН банкаар олгож эхэлсэн ба өнөөдрийн байдлаар Архангай аймгийн хэмжээнд 7 ААН, 19 иргэн нийт 654.9 сая төгрөгийн зээл авч, үйл ажиллагаагаа явуулж байна. "Зах зээл ба Бэлчээрийн удирдлагын хөгжил нэмэлт Санхүүжилт" төслийг НҮБ-ын Хөдөө аж ахуйг хөгжүүлэх Олон улсын сангийн санхүүжилтээр ХХАААҮЯ-наас хэрэгжүүлдэг.
Төрийн банкаар төслийн зээлийг олгох
болсонтой холбоотойгоор 2022
оны 2-р сарын 25-ны өдөр Архангай аймгийн ХХААГ-ын сургалтын танхимд бизнес эрхлэгч ААН, иргэдэд Төрийн банк, аймгийн ХХААГ, ЗЗБУХНС-ийн
төслөөс “Иргэд, ААН-үүдэд зориулсан зээлийн мэдээлэл” сургалтыг зохион байгууллаа.
Сургалтад нийт 20 орчим бизнес
эрхлэгч оролцож “Санхүүгийн хэрэгцээг хангах, санхүүгээ удирдах”, “Бизнесийн
болон ЗЗБУХНС-ийн төсөл болон бусад төслийн
зээлийн танилцуулга”, “Төслийн менежмент”, “Зээл авахад ААН иргэдэд тулгамдаж
буй асуудал” “Зээлийн батлан даалтын сан”-гийн талаар мэдээлэл хүргэжээ. Тус
сургалтад дээрх байгууллагуудаас гадна Монгол банкны Архангай салбарын
зээлийн батлан даалтын сангийн мэргэжилтэн оролцов.