Үерт өртсөн Луизианагийн оршин суугчдад Тейлор Свифт 1 сая доллар хандивлав

ДЭЛХИЙН МЭДЭЭ | СОЁЛ УРЛАГ
dorjkhand@montsame.mn
2016-08-18 11:26:10

НЬЮ-ЙОРК. /Prensa Latina/. Ширүүн бороо орж, үер болсон Америкийн Луизиана муж улсад дуучин Тейлор Свифт 1 сая доллар хандивлалаа.

26 настай дуучин бүсгүй мэдэгдэл хийхдээ “өнгөрсөн онд би '1989 World Tour' аялан тоглолтоо Луизианагаас эхэлж байсан. Тус муж улсын оршин суугчид намайг гайхалтай халуун дотноор хүлээн авч байсан" гэв.

Тэрбээр цааш ярихдаа “энэ долоо хоногт Луизианагийн олон оршин суугч үер усны улмаас орон гэргүй болсонд маш их харамсч байна” гэлээ.

Тус муж улсад үерийн улмаас 11 хүн амиа алдаж, 40 мянган байшин барилга эвдэрч сүйдэн, 30 мянган хүнийг нүүлгэн шилжүүлээд байгаа юм.

Г.Доржханд

Холбоотой мэдээ