Соёлын элч Ц.Ган-Эрдэнэ Монголын дүрслэх урлагийн ололт амжилтыг гадаадад сурталчилж байна

МОНГОЛЫН МЭДЭЭ | ГХЯ-НЫ МЭДЭЭ
btlnmn@yahoo.com
2022-12-09 08:09:55

Улаанбаатар /МОНЦАМЭ/. Гадаад харилцааны сайд Б.Батцэцэг Монгол Улсын Соёлын элчээр томилогдсон СТА, зураач Ц.Ган-Эрдэнийг өчигдөр хүлээн авч уулзан, Соёлын элчийн гэрчилгээг гардууллаа.


Соёлын элч Ц.Ган-Эрдэнэ нь ХБНГУ-ын Бюделсдорф хотноо зохион байгуулдаг “НордАрт” олон улсын дүрслэх урлагийн үзэсгэлэнд Монголын уран бүтээлчид оролцох эхлэлийг тавьж, Монголын дүрслэх урлагийн салбарын ололт амжилтыг гадаадын улс орнуудад танилцуулан сурталчлахад үнэтэй хувь нэмэр оруулсны зэрэгцээ “Мөнх хөх тэнгэр”, “Толин тусгал”, “Анхны болзоо”, “Бодит байдал нь хоосон зүйл” зэрэг бие даасан үзэсгэлэнг Испани, Герман, Бельги, Нидерланд, Дани, Солонгос зэрэг улс оронд гаргасан байна.


Тэрбээр Соёлын элчээр ажиллах хугацаандаа Монголын уламжлалт өв, соёлыг орчин үеийн дүрслэх урлагийн хэв маяг, чиг хандлагатай хослуулан уран бүтээлээ туурвиж, дэлхий дахинд эх орноо сурталчлах, Монгол Улс, ХБНГУ-ын соёл, урлагийн салбарын хамтын ажиллагааг өргөжүүлэн хөгжүүлэхэд үргэлжлүүлэн идэвхтэй ажиллахаа илэрхийлэв.



Холбоотой мэдээ