Р.Эрдоган ерөнхийлөгчийн сонгуульд нэр дэвшигчээр бүртгүүлэх хүсэлтээ өгчээ

ДЭЛХИЙН МЭДЭЭ | УЛС ТӨР
Jargal.d@montsame.mn
2023-03-22 13:11:19

АНКАРА. /Anadolu/. Туркийн төрийн тэргүүн Режеп Тайип Эрдоган ерөнхийлөгчийн сонгуульд нэр дэвшигчээр бүртгүүлэх хүсэлтээ Сонгуулийн дээд зөвлөлд (Сонгуулийн төв хороо) албан ёсоор хүргүүллээ.


Ерөнхийлөгчийн болон парламентын сонгууль Туркт тавдугаар сарын 14-нд болно. 


Одоогийн байдлаар 18 улстөрч төрийн дээд албан тушаалын төлөө өрсөлдөхөө мэдэгдээд байна. Р. Эрдоганы гол өрсөлдөгч нь гол сөрөг хүчин болох “Бүгд найрамдах ардын нам”-ын дарга Кемаль Кылычдароглу байх төлөвтэй байна.


Сонгуулийн дээд зөвлөлөөс ерөнхийлөгчийн сонгуульд нэр дэвшигчдийн эцсийн жагсаалтыг гуравдугаар сарын 31-нд танилцуулах бөгөөд энэ өдрөөс сонгуулийн сурталчилгаа эхэлнэ.


Холбоотой мэдээ