Улаанбаатар
АРХАНГАЙ: Үзэсгэлэн худалдаагаар 135.9 сая төгрөгийн борлуулалт хийжээ
ОРОН НУТГИЙН МЭДЭЭ | АРХАНГАЙ
Эрдэнэбулган /МОНЦАМЭ/. “Архангай түншлэл-2023” үзэсгэлэн худалдааг аймгийн ЗДТГ, ХХААГ хувийн хэвшлүүдтэй хамтран 9 дүгээр сарын 22, 23-ны өдөр зохион байгууллаа.
Уг үзэсгэлэн худалдаанд аймгийн 19 сумаас газна Сэлэнгэ, Хөвсгөл аймгийн нийт 137 аж ахуй нэгж, иргэд төмс, хүнсний ногоо, жимс жимсгэнэ, сүү, сүүн бүтээгдэхүүн, гурил, гурилан бүтээгдэхүүн, модон эдлэл, бэлэн хувцас, гар урлалын бүтээгдэхүүн, эсгий ноосон бүтээгдэхүүн зэрэг 16 нэр төрлийн бүтээгдэхүүнээр оролцож, нийт 135.9 сая төгрөгийн борлуулалт хийжээ.
/Нутгийн хөрсөнд ургасан хүнсний ногоо/
Үзэсгэлэн худалдаа нь хүнс, хөдөө аж ахуй, хөнгөн үйлдвэрийн салбарын үйл ажиллагааг олон нийтэд сурталчлах, төр хувийн хэвшлийн хамтын ажиллагааг дэмжих, үндэсний үйлдвэрлэлийн шилдэг бүтээгдэхүүн, шинэ ургацыг нэг дороос хэрэглэгчдэд хүргэх зорилгоор 2005 оноос хойш тасралтгүй 18 дахь жилдээ үргэлжилж байна.
Мөн энэ үеэр “Шилмэл мал үзэсгэлэн худалдаа-2023” нэгдсэн үйл ажиллагааг зохион байгууллаа. Үзэсгэлэн худалдаанд 7 сумын 15 малчин, мал үржүүлэг технологийн 2 аж ахуйн нэгжийн 80 орчим толгой бог, 8 толгой бух үзэсгэлэн худалдаанд оролцож, малын үүлдэр хоорондын ялгаа, түүний давуу талуудын талаар малчид, иргэдэд мэдээлэл өгч, сурталчлав.
Оролцогдчыг 11 номинациар шалгаруулалт явуулж, шилдгүүдээ тодрууллаа.
|
№ |
Бүтээгдэхүүний
төрөл |
Сум |
Нэр |
|
|
1 |
Шилдгийн шилдэг бүтээгдэхүүн Гран
при |
Эрдэнэбулган сум |
“Ар арвижин дэлгэрэх” хоршоо |
Сарлагийн хөөврөн “Baby Yak” брэнд |
|
2 |
Сав баглаа боодол, хаяг шошготой
бүтээгдэхүүн |
Ихтамир сум |
“Үлэмж бадрах сүү” ХХК |
Сүү сүүн бүтээгдэхүүн, шар сүүний
чихэр |
|
3 |
Гар урлалын шилдэг бүтээгдэхүүн |
Эрдэнэбулган сум |
Б.Наранзаяа |
Гутал үйлдвэрлэл |
|
4 |
Малын гаралтай түүхий эд
бүтээгдэхүүн |
Цэнхэр сум |
А.Наранцэцэг |
Арьсан эдлэл |
|
5 |
Шинэ санаа, шинэлэг
технологитой бүтээгдэхүүн |
Цэнхэр сум |
Д.Одгэрэл |
Зөгийн бал |
|
6 |
Сүү, сүүн бүтээгдэхүүн |
Тариат сум |
Эко хорго хоршоо |
Бэлгийн багц |
|
7 |
Жимс жимсгэнэ |
Хайрхан сум |
“Номин намуун” хоршоо |
Жимсний чанамал |
|
8 |
Төмс хүнсний ногоо |
Эрдэнэбулган сум |
Н.Болормаа |
Өвлийн хүлэмж |
|
9 |
Шилдэг ахуй үйлчилгээ хоршоо |
Батцэнгэл сум |
Төвхөн түшээ хоршоо |
|
|
10 |
Мод модон эдлэл |
Жаргалант сум |
С.Зулмандах |
Гэрийн тавилга үйлдвэрлэл |
|
11 |
Гар урлалын шилдэг бүтээгдэхүүн |
Эрдэнэмандал |
Б.Оюунтуяа |
Хувцас үйлдвэрлэл |
Дээрх 11 номинациас гадна Худалдаа аж үйлдвэрийн танхимын нэрэмжит “Шилдгийн шилдэг гран при” шагналыг “Сочу транс” ХХК буюу “Хүрэн шувуут” өндөгний аж ахуй авсан бол Соёл, урлагийн газрын нэрэмжит шагнал “Шилдэг өв тээгч”-ээр Хашаат сумын иргэн Н.Чулуунбаатар, “Транс капитал” ХХК-ийн нэрэмжит “Шилдэг бүтээгдэхүүн” шагналаар Жаргалант сумын Б.Оюунтуяагийн сүү, сүүн бүтээгдэхүүн тус тус шалгарсан юм.
